Коммуналь калдыклар белән эш итүнең яңа тәртибе коммуналь оешмалар эшендә чагылыш тапмаган

Денис Калинкин билгеләп үткәнчә, яңа системага күчүгә карамастан, чүп чыгару буенча бернинди өзеклекләр дә булмаган.

(Казан шәһәре KZN.RU, 14-нче гыйнвар, Ксения Швецова). Яңа ел бәйрәмнәрендә Казанның торак оешмалары чүп чыгару буенча көчәйтелгән эш алып барды - калдыкларны чыгару өчен көн саен 130 чүп чыгару машинасы җәлеп ителде. Барлыгы 10 көн эчендә күп фатирлы йортлар (МКД) һәм бистәләр территориясеннән 98 мең кубометр калдык чыгарылган, бу гадәти көннәр белән чагыштырганда 15% күбрәк. Бу хакта бүген эшлекле дүшәмбе киңәшмәсендә торак-коммуналь хуҗалык комитеты рәисе Дмитрий Анисимов хәбәр итте.

Күп фатирлы йортлар һәм бистәләр территориясеннән чүп көн саен чыгарыла, ә 31 декабрьдән 2 гыйнварга кадәр - көчәйтелгән режимда. Калдыкларны урнаштыру полигоны 1 гыйнварда 12.00 сәгатьтә эшкә кереште. Чүпне вакытында чыгару тәэмин ителгән, шул исәптән, район администрацияләре һәм идарәче оешмаларның һәм бистәләрнең контейнер һәм бункер мәйданнарына тоткарлыксыз керүне тәэмин итү гамәлләре аркасында да, дип билгеләп үтте Д.Анисимов. "Контейнер мәйданчыкларыннан автомобильләр калдырмаган йортларда яшәүчеләргә рәхмәт әйтәсем килә, чүпне тоткарлыксыз чыгаруны тәэмин итү "ПЖКХ" Идарә итүче компаниясе ҖЧҖ төбәк операторы белән тыгыз элемтәдә алып барыла, дип өстәде спикер.

Яңа ел бәйрәмнәрендә авария хәлендәге техник хезмәтләр һәм ресурслар белән тәэмин итүче оешмалар гаризаларны оператив рәвештә эшкәртеп, аварияләрне һәм аларның нәтиҗәләрен бетерделәр, дип билгеләп үтте Д.Анисимов. Коммуналь хуҗалык объектларында планнан тыш 29 янгын чыккан, алар барысы да локаль, кыска вакытлы характерда булган, ә планлы рәвештә сүндерелмәгән.

Исегезгә төшерәбез, 1 гыйнвардан Россиядә каты коммуналь калдыклар белән эш итүнең яңа тәртибе эшли башлады. Хәзер Казан һәм Татарстанның көнбатыш зонасы территориясеннән чүп чыгару өчен җавап бирүче төбәк операторы булып "ПЖКХ Идарә итүче компаниясе" ҖЧҖ тора. Төбәк операторының бурычы - киләчәктә эшкәртү өчен каты көнкүреш калдыкларын җыю, аеру, куркыныч калдыкларны һәм икенчел чималны эшкәртү, эшкәртелми торган калдыкларны куркынычсыз юк итү.

Яңа системага күчүгә карамастан, эштә бернинди өзеклекләр дә булмады, дип билгеләп үтте үз чиратында Башкарма комитет башлыгы Денис Калинкин. "Чүп элек ничек чыгарылган булса, әле дә шулай чыгарыла. Бәйрәмнәрдә ишегаллары буйлап йөрдек, эшнең ничек баруын тикшердек. Чүп чыгару графигыннан тайпылуның локаль очраклары бар иде, ләкин тулаем алганда, шәһәр буенча хәл яхшы".

Исегезгә төшерәбез, күп фатирлы йортларның йорт яны территориясендә кар чистарту, шулай ук чүп чыгаруны оештыру өчен идарә итүче компанияләр, торак милекчеләре ширкәтләре һәм торак-төзелеш коперативлары җаваплы.