"Бердәм хисап үзәге – "Татэнергосбыт" ҖЧҖнең яңа офисы Ломжа ур., 18а адресы буенча эшли башлаячак

"Азино" һәм "Кол Гали" участокларының соңгы эш көне - 7 декабрь.

(Казан шәһәре KZN.RU, 5-нче декабрь). Казанда "Бердәм хисап үзәге – "Татэнергосбыт" ҖЧҖ Казан офисының "Азино-2" (Җиңү пр., 112) һәм "Кол Гали" (Сафиуллин ур., 17а) территориаль участокларын берләштерәчәкләр. Иске территориаль участокларның соңгы эш көне - 7 декабрь. Участоклар клиентларга хезмәт күрсәтү сыйфатын яхшырту максатларында берләштереләчәк.

Яңа берләштерелгән офис 10 декабрьдә түбәндәге адрес буенча ачылачак: Ломжа ур., 18а. Ул түбәндәге график буенча эшләячәк: дүшәмбедән җомгага кадәр - 8.00 сәгатьтән 19.00 сәгатькә кадәр, шимбә көнне – 8.00 сәгатьтән 14.00 сәгатькә кадәр, якшәмбе – ял көне. Төшке ашка тәнәфес юк, дип хәбәр иттеләр "Бердәм хисап үзәге – "Татэнергосбыт" ҖЧҖда.

Килеп туган сораулар буенча, шул исәптән торак-коммуналь хезмәтләр өчен бердәм түләү документын түләү өчен, яңа территориаль участок адресы буенча мөрәҗәгать итәргә кирәк. Моннан тыш, бердәм түләү документын комиссиясез Татарстан Республикасы дәүләт һәм муниципаль хезмәтләр порталында (https://uslugi.tatarstan.ru/) һәм "Ак Барс" банкы кассаларында түләргә мөмкин.

Шулай ук укыгыз

Барлык яңалыклар