Яңа квестны 8 сентябрьдә «Россия – минем тарихым» тарихи паркында тәкъдир итәчәкләр

Катнашучылар 1812 елгы Ватан сугышының героен ясаячаклар

8 сентябрьдә «Россия – минем тарихым» тарихи паркында «Бородинога юл яки гвардиячене сәфәргә җый» дигән яңа интерактив квестны тәкъдир итәчәкләр. Вакыйгага балалар һәм аларның ата-аналары да кушыла ала.

Мультимедиа күшәге экспозициясе 1812 елгы Бородино сугышына багышланган. Квестта катнашучыларны француз-рус мөнәсәбәтләре тарихы, Ватан сугышы вакыйгалары һәм рус армиясенең чит ил сәфәрләре белән таныштырачаклар. Экспозиция кунакларына Наполеон Бонапарт һәм Михаил Кутузов турында гына түгел, ә шул чорның көнкүреше һәм мәдәнияте турында да сөйләячәкләр.

Квест вакытында килүчеләргә тарихи ребуслар һәм табышмакларны чишәргә туры киләчәк. Һәр дөрес җавап өчен бүләк гвардиячегә хәрби киеме булачак. Соңыннан катнашучылар Ватан сугышының героен ясаячаклар.

Чарага керү ирекле, теркәлү +7(962)571-30-27 телефоны буенча алып барыла. Катнашучыларны Оренбург трактындагы 8 нче йортның 1 нче күшәге буенча көтәчәкләр, дип хәбәр ителә ТР Мәдәният министрлыгы сайтында.

Шулай ук укыгыз

Барлык яңалыклар