КФУ Университет шәһәрчегендәге яңа урамнарга исемнәр бирәчәкләр

Казанның Совет районы картасында Шершеневич, Дмитриев, Зевахин, Мурзин һәм Госманов урамнары барлыкка киләчәк.

(Казан шәһәре KZN.RU, 31-нче гыйнвар). Казанның Совет районының яңа төзелә торган урамнарына Шершеневич, Дмитриев, Зевахин, Мурзин һәм Госманов исемнәре биреләчәк. Тиешле карар шәһәр Башкарма комитетында имзаланды һәм Документлар һәм хокукый актлар җыентыгында басылып чыкты.

Яңа урамнар Казанның Совет районында урнашкан КФУ университет шәһәрчеге территориясендә барлыкка киләчәк. Юрист, цивилист, Казан һәм Мәскәү университетлары профессоры Габриэль Шершеневич исемен 1-нче урам йөртәчәк. Бөек Ватан сугышы ветераны, Советлар Союзы Герое, Казанда туып-үскән Максим Дмитриев исеме 2-нче урамга бирелә. Бөек Ватан сугышы ветераны, Казанда күмелгән Советлар Союзы Герое Михаил Зевахин хөрмәтенә 3-нче урам аталачак. Дүртенче урамга легендар разведчик, Бөек Ватан сугышы ветераны Даян Мурзин исеме, бишенчесенә – Совет һәм Россия тарихчысы, археограф, тарих фәннәре докторы, ТР Фәннәр академиясе әгъзасы, Казан дәүләт университеты профессоры, ТАССР атказанган фән эшлеклесе Миркасыйм Госманов исеме бирелә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар