Ирада Әюпова Татарстанның яңа мәдәният министры булды

Ирада Әюпова Татарстанның яңа мәдәният министры булды

<p> (Казан шәһәре KZN.RU, 3-нче май). Моңа кадәр архив эше буенча ТР Дәүләт комитеты рәисе вазифасын биләгән Ирада Әюпова Татарстанның мәдәният министры вазыйфасына билгеләнде.<br> </p> <p> “Әюпова Ирада Хафиҗан кызын Татарстан Республикасының мәдәният министры вазыйфасына билгеләргә, элек биләгән вазыйфасыннан азат итәргә”, - диелгән ТР Президенты Рөстәм Миңнеханов бүген имзалаган карарда. Моңа кадәр ТР мәдәният министры вазыйфасын Айрат Сибагатуллин башкарды. </p> <p> Ирада Әюпова 1971 елда Бакуда туа. 1993 елда “инженер-математик” белгечлеге буенча Әзербәйҗан дәүләт нефть академиясен тәмамлый, 2002 елда – “юрист” белгечлеге буенча Татарстан бизнеска булышлык итү институтын. 1994 елдан 1998 елга кадәр “Нижнекамскшина” ачык акционерлык җәмгыятендә инженер-программист булып эшли, 1998 елдан 2000 елга кадәр – “Түбән Кама коммерция үзәге” унитар коммуналь предприятиесендә баш белгеч. 2000-2004 еллар – Казанның Эшмәкәрлеккә булышлык итү комитеты рәисе урынбасары, бүлек җитәкчесе, 2004-2005 еллар – Казан администрациясенең кадрлар бүлеге җитәкчесе. 2005-2006 елларда Казанның Эшмәкәрлеккә булышлык итү комитеты рәисе була. 2006-2008 елларда ТР Икътисад министрлыгында бүлек җитәкчесе булып эшли, 2008-2011 елларда – ТР мәдәният министрының беренче урынбасары. 2015 елда ТР Министрлар кабинеты каршындагы Баш архив идарәсен, ә 2016 елда архив эше буенча ТР Дәүләт комитетын җитәкли, дип хәбәр ителә “Рәсми Татарстан” сайтында. </p>

2018-05-03T11:30:57+0300