Вениамин Смехов «Николай Караченцов. Тормыш һәм язмыш» күргәзмәсенә яңа экспонатлар тапшырган

Актер Казан социалистик көнкүреш музеена хезмәттәшләренең автографлары белән афиша һәм шәхси архивтан фотосурәтләр алып килгән.

Фото: Социалистик көнкүреш музее

(Казан шәһәре KZN.RU, 3-нче апрель). Социалистик көнкүреш музеенда «Николай Караченцов. Тормыш һәм язмыш» күргәзмәсе яңа экспонатлар белән тулыландырылды. Бу юлы хезмәттәшен актер, режиссер һәм публицист Вениамин Смехов искә алды. Ул Казанга ике бүләк алып килгән – уникаль афиша һәм шәхси архивтан фотографияләр.

Социалистик көнкүреш музеенда күргәзмә 19-нчы мартта Казан Башкарма комитетының Мәдәният идарәсе ярдәме белән ачылды. Экспозициягә Николай Караченцовның гаилә әгъзалары һәм дуслары тарафыннан бирелгән шәхси әйберләре, аның тормышы һәм иҗаты белән бәйле предметлар, мәсәлән, «Тиль» спектаклендәге калфак, «Человек с бульвара Капуцинов» фильмындагы шләпә, «Сорри» спектакленнән Инна Чурикованың күлмәге, гитара, архив фотосурәтләре кергән.

Вениамин Смехов социалистик көнкүреш музеена Николай Бурляев, Светлана Немоляева, Эммануил Виторган, Ирина Муравьева, Ольга Остроумова, Николай Коляда, Евгений Герасимов, Валерия Фокина, Сергей Безруков, Александр Михайлов, Юрий Васильев, Рудольф Фурманов, Максим Дунаевский автографлары белән 8-нче мартта Санкт-Петербургта Андрей Миронов Театрында узган «Фигаро» премиясен тапшыру тантанасы афишасын алып килгән, алар күргәзмәне ачу идеясен хуплаган.

Моннан тыш, Вениамин Смехов музей коллекциясенә «Ловушка для одинокого мужчины» һәм «Дура» фильмнарын төшергән вакытта ясалган, шулай ук актерны көнкүрештә гәүдәләндергән фоторәсемнәр тапшырган. Мәсәлән, сурәтләрнең берсендә Николай Караченцов Иннокентий Смоктуновский белән өстәл артында утыра. Соңыннан актер Казанга тагын бер кат килергә һәм яңа экспонатлар алып килергә вәгъдә бирде, дип хәбәр итәләр Социалистик көнкүреш музеенда.

Шулай ук укыгыз

Барлык яңалыклар