Казанның социалистик көнкүреш музеенда яңа күргәзмәне Виктор Цойның 60 яшьлек юбилеена багышлаячаклар

Экспозициядә – винтаж аудиокассеталар, винил альбомнар һәм «Кино» төркеме катнашучылары автографлары төшерелгән джинс куртка.

Фото: Социалистик көнкүреш музее

(Казан шәһәре KZN.RU, 14 нче июнь). 15 нче июньдә Казанның Социалистик көнкүреш музеенда Виктор Цойның 60 еллыгына багышланган күргәзмә ачылачак.

Күргәзмәнең күп кенә экспонатларын Казанга Санкт-Петербургтан китергәннәр. Аерым алганда, экспозицияне рәссам Олег Котельников, В.Цойның якын дусты һәм ярдәмчесе, Ленинград рок-клубының легендар фотографы Наталья Васильева-Халл, танылган совет һәм Россия музыкаль продюсеры, музыка нәшере, тавыш режиссеры, «АнТроп» лейблына нигез салучы Андрей Тропилло, Америка җырчысы һәм музыкаль продюсеры Джоанна Стингрей тулыландырган.

Кунаклар җырчының һәм «Кино» төркеменең җырлары яздырылган 80 нче һәм 90 нчы еллардагы аудиокассеталар коллекциясен, шулай ук төрле альбомнарны эшләгән вакыттагы материалларны, «Төн» исемле беренче рәсми басылып чыккан винил альбомны, Америка җырчысы һәм музыкаль продюсер Джоанна Стингрейның «Рус рокының чын тарихы» китабын һәм башка бик нәрсәләрне карый алачак.

Күргәзмәгә килгән һәр кеше үз вакытында легендар төркемдәгеләрнең автографлары калдырылган джинс куртканы киеп фотога төшә алачак. Күргәзмәне ачуда Казан музыкантлары Виктор Цой репертуарыннан һәм «Кино» төркеменнән танылган җырлар башкарыр дип көтелә.

Күргәзмә 15:00 сәгатьтә Университет урамы, 6 адресы буенча ачыла.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар