Казанда Яңа ел онлайн-экофесты: лекцияләр, мастер-класслар, ярминкәләр һәм экология турында фильмнар

Шулай ук әйберләр алмашу һәм ТР Энергияне сак тоту өлкәсендә компетенцияләр һәм технологияләр үзәгенә экскурсия планлаштырылган.

Фото: Казан шәһәре KZN.RU

(Казан шәһәре KZN.RU, 18-нче декабрь). Яңа ел онлайн-экофесты Казанда 20-нче декабрьдә узачак. Фестиваль программасында: лекторий, нетворкинг, мастер-класслар, онлайн-ярминкәләр, призлар уйнату, әйберләр белән алмашу, Энергияне сак тоту үзәгенә экскурсия, фильмнар карау һәм спектакльләр күрсәтү.

9.30-дан 11.00-гә кадәр нетворкинг-киңлек эше планлаштырыла, анда бөтен Россиядән компанияләр һәм коммерциягә нигезләнмәгән оешмалар вәкилләре җыелачак. Фикер алышу үзәгендә - калдыклар белән эш итү һәм тәҗрибә алмашу.

Лекторий мәйданында эколог галимнәрлар һәм инженерлар, блогерлар һәм активистлар чыгыш ясаячак. Мәсәлән, 11.00-дә инженер-эколог, Финляндиядән фәнни-популяр блогер Дарья Чекальская климат үзгәрү турындагы мифлар турында сөйләячәк. 12.00-дә журналист һәм экоблогер Анастасия Приказчикова «Модалы индустрия планетаны үтерә. Без моны ничек үзгәртә алабыз?» лекциясе белән чыгыш ясаячак. 14.00-дә галим, табиб, укытучы Роман Урсан микропластикның кеше сәламәтлегенә ничек йогынты ясавын аңлатачак. 15.00 сәгатьтә теләүчеләрне гидрогеолог һәм экоблогер Георгий Каваносянның елгалар пычрануы турындагы лекцияләрендә көтәләр. 16.00-дә блогер, активист һәм режиссер Таша Тейл «Ялган экология: компанияләр 2020 елда үз мәнфәгатьләрен ничек йогынты ясый» дигән лекция белән чыгыш ясаячак.

Шулай ук фестиваль кысаларында өлкәннәр һәм балалар өчен дүрт мастер-класс узачак. 13.00 сәгатьтә барлык теләүчеләр эксклюзив кием тегә, 13.30 сәгатьтә чыршы уенчыклары ясый, 17.00 сәгатьтә хуш исле Яңа ел гирляндасы эшли, ә 17.30 сәгатьтә иске йорт җиһазын үзгәртеп ясый алачак.

Традицион фестиваль ярминкәсе быел онлайн-форматта узачак: маркетта катнашучылар продукциягә ташламалар бирәчәк һәм экологик товарлар уйнатачак.

18.00 сәгатьтә фестивальдә төрле дәрәҗәдә экологик мохиткә чумган кешеләр белән дистәләрчә интервьюларга нигезләнгән документаль спектакль-конструктор күрсәтәчәкләр. Шул ук вакытта экология темасына фильмнар күрсәтә башлаячаклар.

Моннан тыш, экофест партнерлары әйберләр алмашу һәмТР Энергияне сак тоту өлкәсендә компетенцияләр һәм технологияләр үзәгенә экскурсияләр оештырачак, дип хәбәр итә оештыручылар.

Фестивальнең турыдан-туры трансляциясен Instagram һәм «ВКонтакте» социаль челтәрләрендә Яңа ел экофесты көнендә карарга мөмкин булачак.

Шулай ук укыгыз

Барлык яңалыклар