Нонна Гришаева үз китабын Казанда «Тау Фест» гаилә фестивалендә тәкъдим итә

16—17 ноябрьдә катнашучыларны 50 дән артык әдәби чара көтә

«Московский» мәдәни үзәгендә 16 һәм 17 ноябрьдә «Тау фест» Гаилә китап фестивале узачак. Әдәби вакыйганың кунагы Россиянең атказанган артисткасы Нонна Гришаева булачак. Ул «Советы дочкам. Папиным и маминым» китабын тәкъдим итәчәк.

Фестиваль программасына 50 дән артык масштаблы чара – танылган балалар язучылары, яшүсмерләр өчен китаплар авторлары, рәссам-иллюстраторлар белән очрашулар кертелгән.

Катнашучыларны шулай ук яңа китаплар тәкъдир итү, мастер-класслар, лекцияләр, өстәл уеннары, мультфильмнар һәм нәфис фильмнар күрсәтү, әдәби сораунамәләр көтә. Китап ярминкәсендә илнең эре шәһәрләреннән 30 нәшрият булачак, дип хәбәр иттеләр оештыручылар.

Шимбә көнне, 16 ноябрьдә, фестивальне килүчеләр өчен 11:00 дән 20:00 гә кадәр ачачаклар. Икенче көнне — 11:00 дән 18:00 гә кадәр. Керү ирекле, кайбер чараларга теркәлү кирәк. Программа һәм тулырак мәгълүмат сылтама буенча мөмкин.

Гаилә китап фестивален оештыручы — «Бәхетле тарихлар» хәйрия фонды. Үткәрүнең максаты — гаиләдә уку культурасын формалаштыру, балаларның һәм ата-аналарның уртак ялын, танып белү һәм иҗат эшчәнлеген оештыру аша укучыларның кызыксынуын арттыру.

Шулай ук укыгыз

Барлык яңалыклар