Төнлә Казанда 26 градуска кадәр салкын булачак

Көндез Татарстан башкаласында минус 15-17 градус көтелә.

(Казан шәһәре KZN.RU, 25-нче гыйнвар). Бүген төнлә Казанда һава температурасы минус 21-23 градус тәшкил итәчәк, аязган вакытта 26 градуска кадәр салкын булачак. Җил көнбатыштан, талгыннан уртача тизлеккә кадәр.

Көндез 26 гыйнварда аязучан болытлы һава, температура минус 15-17 градуска кадәр көтелә. Юлларда бозлавык саклана.

Татарстанда ял көннәрендә явым-төшемнәр көтелми, бүген төнлә аерым районнарда томан булырга мөмкин. Төнлә һәм иртән һаваның минималь температурасы 20-25 градуска кадәр салкын булачак, көндез 15-20 градус салкын булачак, дип фаразлана.

Якшәмбе көнне республикада урыны белән кар көтелә. Һава температурасы 18-23 градуска кадәр салкын булачак. Көндез 27 гыйнварда кайбер районнарда буран, көчле җил, урыны белән секундына 18 метрга кадәр, көндез һава температурасы 11-16 градуска кадәр түбән, дип хәбәр иттеләр ТР Гидрометеорология һәм әйләнә-тирә мохитне күзәтү идарәсендә.

Шулай ук укыгыз

Барлык яңалыклар