“Х төне” Казанда 15 ноябрьдә узачак

Лекцияләр, фәнни тамашалар һәм “акыллы” күңел ачу чаралары 10-нчы сериясе кысаларында көтелә.

(Казан шәһәре KZN.RU, 7-нче ноябрь). 15 ноябрьдә КФУда “PROНаука в КФУ” фәнни-популяр проектының 10-нчы сериясе – “Х төне” узачак. Чарада роботлар, фантастик затлар, электроника киләчәге, кеше мие эшчәнлеге, оптик иллюзияләр һ.б. турында серләр чишәргә вәгъдә итәләр.

КФУ профессорлары, доцент һәм укытучылары лекцияләрдә “Монстр булсаң, нишләргә?” соравына җавап бирәчәкләр, дөрес туклану һәм сәламәт яшәү рәвеше мифлары турында сөйләячәкләр, ни өчен “барлык авырулар - нервлардан” дигән гыйбарәнең стереотип икәнен аңлатачаклар.

Чара программасына төрле чаралар кергән: робофутбол, химик тәҗрибәләр, “Фокусы и феномены” фәнни тамашасы, КФУ мезей комплексыннан күргәзмә, китап ярминкәсе кергән.

“Х төне” Кремль ур., 35 адресы буенча 17.00 сәгатьтән 23.00 сәгатькә кадәр узачак. Керү бушлай. Чараның рәсми сайтында тулырак мәгълүмат алырга һәм чаралар җәдвәле белән танышырга була.

Шулай ук укыгыз

Барлык яңалыклар