Бүләкләү медальләре, җилкәнле корабларның макетлары һәм рус армиясенең кораллары: ТР Милли музеенда Петр I чорының предметларын тәкъдим иттеләр

Күргәзмә Казанны һәм Россияне үзгәрткән реформалар турында сөйли.

Фото:Денис Гордийко

(Казан шәһәре KZN.RU, 10 нчы июнь). ТР Милли музеенда императорның тууына 350 ел тулу уңаеннан «Петр I нең Казандагы казанышлары» күргәзмәсе ачылды. Экспонатлар Казан һәм Россияне үзгәрткән Петр реформалары турында сөйли.

Күргәзмәдә рус армиясенең корал үрнәкләре, бүләкләү медальләре, тәңкәләр һәм Петр I идарә иткән вакыттагы мәгариф үсеше турында таныклаучы китаплар тәкъдим ителгән. Күргәзмәдә шулай ук 1705 елда тегелгән хатын-кыз крестьян костюмын – шушунны да күрергә була. Шушун ике йөз ел мирас буенча тапшырыла һәм 1913 елда Казанның шәһәр музеена (хәзер ТР Милли музее) бүләк ителә. Кунаклар игътибарын сакал жетоны да җәлеп итәчәк – аны заманында сакалы белән хушлашырга теләмәгән кешеләр сатып алырга мәҗбүр булган.

Моннан тыш, күргәзмәгә килүчеләр җилкәнле судноларның макетларын һәм Казан корабларының инструментларын күрә алачак. Казан осталары Балтыйк һәм Каспий диңгезләрендә Петр флоты өчен корабльләр төзи, ә 1718 елда Казан адмиралтействосы төзелә. Шул сәбәпле Петр I Казанны Фарсы походында терәк пункт итеп сайлый һәм 1722 елда шәһәрдә була. Биредә ул үзенең 50 яшьлеген билгеләп үткән.

Императорның Казанга визитын Казан һәм Зөя митрополиты Тихон оештырган. Күргәзмәдә патша Россиясенең соңгы патриархы архиерей һәм евангелие Адрианның киеме тәкъдим ителгән.

Күргәзмә 8 нче августка кадәр эшләячәк, дип хәбәр итә ТР Милли музее матбугат хезмәте. Музейга билетлар буенча кереп булачак.

Материалда ТР Милли музее матбугат хезмәте тарафыннан бирелгән фото кулланылды