РФ президентын сайлауларда катнашкан тавыш бирүчеләр саны буенча рекорд куелган

Участокларга сайлаучыларның 77,44% ы килгән

Фото: Денис Гордийко

Россия президентын сайлауларда катнашкан тавыш бирүчеләр саны буенча рекорд теркәлгән. Сайлау участокларына 87,1 млн РФ гражданины килгән, бу сайлаучыларның 77,44% ы дигән сүз. Болар хакында РФ Үзәк сайлау комиссиясе рәисе Элла Памфилова хәбәр итте.

«Иртәнге 10.00 сәгатькә алынган мәгълүматлар буенча, сайлауларда 87 миллион 113 мең 127 сайлаучы катнашкан. Ягъни тавыш бирергә килүчеләр саны буенча беренче тапкыр рекорд куелды, 77,44% – моңарчы күрелмәгән, беркайчан да булмаган күрсәткеч», – диде ул.

Дәүләт башлыгын сайлауларда катнашкан халык саны буенча элеккеге рекорд 1991 елда теркәлгән, ул вакытта барлык сайлаучыларның 74,66% ы тавыш биргән.

Шулай ук укыгыз

Барлык яңалыклар