Зур Казан боҗрасы төзелешенең икенче этабында юл катламының комлы нигезен җәю эшләре башланды

Объектта инженер-техник персоналдан 137 кеше һәм 25 берәмлек махсус техника эшли.

(Казан шәһәре KZN.RU, 6-нчы май). Зур Казан боҗрасы төзелешенең икенче этабында, Борисково урамыннан Техника урамына кадәрге участокта, юл катламының комлы нигезен җәю эшләре башланды. Объектта инженер-техник персоналдан 137 кеше һәм 25 берәмлек махсус техника эшли.

Монастырь ермагы аша күпер төзелеше барышында узган атнада терәкләрнең берсендә монолит насадканың опалубкасын ныгыту һәм монтажлау эшләре башланды. Бүгенгә терәккә терәлеп торган терәк диварлары ростверкларын бетонлау төгәлләнде инде. Терәк диварларның опалубкаларын монтажлау һәм ныклыгы арттыру эшләре алып барыла. Терәкләрнең берсендә опалубканың ныклыгын арттыру, монтажлау һәм монолит стойкаларны бетонлау һәм әзер стойкалардан салынма опалубканы сүтү эшләре дәвам итте. Шулай ук чистарту корылмалары өчен участокта шпунт коймасы урнаштыру эшләре башланды.

Участокта җир эшләре дәвам итә: узган атнада 12710 куб. м яраксыз туфрак һәм чүп-чар чыгарылды, 3100 тонна инертлы материаллар кайтарылды. Эш тәүлек буе бара. Борисково урамыннан Запорожье урамына кадәр юлның комлы нигезен җәя башладылар, шул исәптән геокатламны кулланып. Вакытлы килү юлларын көйләү өчен вак таш һәм юл плитәләрен салу бара.

Моннан тыш, инженерлык челтәрләрен үзгәртеп кору һәм салу дәвам итә, шул исәптән троллейбус депосы янында да. Барлыгы 920 метрлы су белән тәэмин итү һәм 80 метрлы яңгыр канализациясе торбалары сузылган. Шулай ук төзүчеләр 122 метр озынлыкта газүткәргеч торбалар үткәрделәр һәм 228,5 метр озынлыкта эретеп ябыштырдылар. Хәзер электр белән тәэмин итү линияләрен һәм элемтә челтәрләрен яңарту эше бара, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Зур Казан боҗрасын төзү «Имин һәм сыйфатлы автомобиль юллары» илкүләм проекты буенча алып барыла. Борисково урамыннан Техника урамына кадәрге участокта төзелешнең икенче этабы мартта башланды. Участокның озынлыгы 1,22 чакрым тәшкил итә. Дүрт полосалы юл һәр юнәлештә ике полоса белән беренче класслы гомумшәһәр әһәмиятендәге магистраль урам категориясе буенча проектланган. 700 м озынлыктагы участокны 2020 елда, ә 522 м озынлыктагы участокны 2021 елда кулланылышка кертү планлаштырыла.

Элегрәк билгеле булганча, Мидхәт Булатов урамыннан Борисково урамына кадәрге участокта Зур Казан боҗрасы төзелешенең беренче этабында трамвай линияләрен монтажлау эше алып барыла. Трамвай хәрәкәтен җәй ахырында ачу планлаштырыла.

Шулай ук укыгыз

Барлык яңалыклар