«Хәрәкәттә-бәрәкәт» проекты кичәсендә «почмак-өчпочмак» татар биюе хәрәкәтен өйрәнәләр

«Хәрәкәттә-бәрәкәт» проекты кичәсендә «почмак-өчпочмак» татар биюе хәрәкәтен өйрәнәләр

Пәнҗешәмбе көнне, 31 июльдә, Кабан күле буенда «Хәрәкәттә – бәрәкәт» проектының чираттагы очрашуы була. Катнашучылар белән «почмак-өчпочмак» татар биюе хәрәкәтләрен өйрәнәчәкләр һәм төркемләп фольклор уеннары үткәрәчәкләр.<br> <br> Кичәгә чакырылган кунак — җырчы һәм телевидение алып баручысы Айнур Гәрәев, дип хәбәр иттеләр шәһәрнең Парклар һәм скверлар дирекциясендә.<br> <br> Чараны артистлар Алсу Мәгъсүмҗанова һәм Булат Гатауллин, хореографлар Рафаэль Мостяков һәм Алия Төхбәтуллина үткәрәчәк. Музыкаль озату өчен Айдар Абдрахимов, Марсель Вахитов һәм Эльмира Шәрипова җаваплы булачак.<br> <br> Шәһәрлеләрне 18:00 сәгатьтә Шиһабетдин Мәрҗани урамы ягыннан Г.Камал исемендәге театры янында көтеп калачаклар.<br> <br> Исегезгә төшерәбез, «Хәрәкәттә - бәрәкәт» бию проектының юбилее уңаеннан Казанда «Бию көрәше» бию турниры <a target="_blank" href="https://kzn.ru/meriya/press-tsentr/novosti/biyu-k-r-she-v-kazani-sostoitsya-turnir-tatarskogo-tantsa-sredi-neprofessionalnykh-tantsorov/?lang=ta">узачак</a>. 29 августта анда профессиональ булмаган татар биючеләре көч сынашачак.<br>

2025-07-30T15:59:45+0300