Казанның Гаврилов урамында машина йөрү юлын 6 декабрьгә кадәр киметәләр

Сәбәбе — төшү юлы төзелеше

Казанның Гаврилов урамындагы машина юлын вакытлыча кыскарталар. Бу төшү юлын төзү өчен кирәк, дип хәбәр иттеләр шәһәрнең Тышкы төзекләндерү комитетында.

31 октябрьдән 6 декабрьгә кадәр 5 нче бина тирәсендә, шулай ук икенчел юлда хәрәкәт өлешчә чикләнәчәк. Юл чикләүләре схемасын сылтама буенча күрергә мөмкин.

Исегезгә төшерәбез, ремонт эшләре белән бәйле хәрәкәт чикләүләре турында мәгълүмат махсус бүлектә бастырыла.