Казан урамнарын чистартырга 369 берәмлек техника һәм 568 юл эшчесе чыкты

Узган тәүлектә 13,6 мең тонна кар чыгарылган.

Фото: Марат Мөгыйнов

(Казан шәһәре KZN.RU, 4 нче февраль). Бүген көндез Казан урамнарын кардан чистартырга 568 юл эшчесе һәм 369 берәмлек махсус техника, шул исәптән 61 катнаш юл машинасы, 78 трактор щеткасы, 98 үзбушаткыч, 67 фронталь төягеч, 37 «Барсик» минитөягече һәм башка техника чыкты.

Кар 2 нче Газ, Әбҗәлилов, Айдаров, Әмирхан, Бакалея, Батурин, Беломорск, Большая Красная, Бертуган Батталовлар, Восстание, Габишев, Газ, Гвардия, Горький, Даурия, Девятаев, Дзержинский, Ершов, Журналистлар, Зорге, Ипподром, Карбышев, Кирпичников, Коротченко, Кремль, Курчатов, Кутуй, Лесгафт, Мәүлетов, Мәрҗани, Маркс, Мәскәү, Насыйри, Островский, Павлюхин, Пушкин, Сәетгалиев, Сахаров, Серов, Соловки юнгалары, Такташ, Театр, Тукай, Фучик, Чапов, Чехов, Чернышевский урамнарыннан, шулай ук Зур Казан боҗрасыннан, Оренбург, Себер трактларыннан, Җиңү мәйданыннан һәм башка урам участокларыннан чыгарылачак.

Узган тәүлектә урамнардан 13 мең 645 тонна кар чыгарылган, ә кышкы сезон башыннан бирле – 659 мең 573 тонна кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлек эчендә 270 тонна реагент һәм 418 тонна ком-тоз катнашмасы кулланылган, ә сезон башыннан – 145 мең тоннадан артык бозлавыкка каршы материал.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында басылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. ТР Экология һәм табигый байлыклар министрлыгында рөхсәтсез урыннарда кар җыю фактлары турында хәбәрләр кабул ителә.

Шулай ук укыгыз

Барлык яңалыклар