Казан урамнарын җыештырырга 373 берәмлек техника һәм 528 юл эшчесе чыкты

Кышкы сезон башыннан 703 мең тоннадан артык кар чыгарылган.

Фото: Денис Гордийко

(Казан шәһәре KZN.RU, 7 нче февраль). Бүген көндез Казан урамнарын кардан чистарту өчен 528 юл эшчесе һәм 373 берәмлек махсус техника, шул исәптән 53 катнаш юл машинасы, 72 трактор щеткасы, 125 үзбушаткыч, 62 фронталь төягеч, 33 «Барсик» минитөягече һәм башка техника чыгачак.

Кар Авангард, Авзалов, Адоратский, Әмирхан, Батурин, Батыршин, Бауман, Беломорск, Богатырская, Ваһапов, Вахитов, Вишневский, Восстание, Гәрәев, Гвардия, Губкин, Девятаев, Достоевский, Дружба, Журналистлар, Заря, Зорге, Карбышев, Коләхмәтов, Лаврентьев, Липатов, Литвинов, Ломжа, Магистраль, Мәрҗани, Мариуполь, Островский, Париж Коммунасы, Парин, Петербург, Пионер, Попов, Идел буе, Сәтгалиев, Театр, Тула, Тура, Урманче, Чернышевский, Чуйков урамнары участокларыннан, Ибраһимов, Җиңү, Ямашев проспектларыннан, Ирек мәйданыннан, Мамадыш һәм Оренбург трактларыннан, Отары һәм Юдино поселокларыннан, Грабарский һәм «Салават күпере» микрорайоннарыннан, шулай ук урамнарның башка участокларыннан чыгарылачак.

Узган тәүлектә урамнардан 15 мең 985 тонна кар чыгарылган, ә кышкы сезон башыннан – 703 мең 688 тонна кар, дип хәбәр иттеләр Казан Башкарма комитетының Тышкы төзекләндерү комитетында. Юлларда тәүлеккә 161 тонна реагент һәм 346 тонна ком-тоз катнашмасы кулланылган.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында урнаштырылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында хәбәрләр ТР Экология министрлыгында кабул ителә.

Шулай ук укыгыз

Барлык яңалыклар