Казанның Үзәк стадионында Виктор Колотов истәлегенә футбол турниры узачак

Кырга Казан, Яшел Үзән, Яр Чаллы, Түбән Кама, Чистай ветераннарының җыелма командалары чыгачак.

(Казан шәһәре KZN.RU, 10-нчы сентябрь). 13-нче сентябрьдә Казанда Үзәк стадион кырына Казан, Яшел Үзән, Яр Чаллы, Түбән Кама, Чистай, Беларусь шәһәрләре, шулай ук «Рубин» футбол клубы ветераннары җыелма командалары чыгачак. Спортчылар ветераннар командалары арасында футбол буенча Виктор Колотов истәлегенә багышланган XVIII халыкара турнирда катнашачаклар.

Виктор Колотов истәлегенә багышланган Турнир Татарстанда 2001 елдан бирле ел саен үткәрелә. Гадәттә ул Яшел Үзәндә уза, анда Колотов үзенең профессиональ карьерасын башлаган.

Татарстан командалары өчен турнирда Чаллы футболы легендалары Владимир Барышев һәм Роберт Евдокимов, Рубин уенчылары Анатолий Распусков, Рубин Равилов, Илдар Гарифуллин, Вадим Потапов, Андрей Князев, Владимир Бәйрәмов һәм башкалар чыгыш ясаячак.

Футбол матчларыннан тыш, стадионда яшь футболчылар өчен Россия һәм Беларусь җыелма командалары уенчыларының ике мастер-классы узачак. Алар 14.00 сәгатькә планлаштырылган.

Турнир 15.00 сәгатьтә башлана, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар