Казанда «Сукно бистәсе» метро станциясендә яңа ел фотозонасы барлыкка килде

Фотозонада шарлар һәм гирляндалар белән бизәлгән чыршы, урман хайваннары фигуралары һәм бүләк тартмалары куелган.

Фото: «Метроэлектротранс» МУП

(Казан шәһәре KZN.RU, 29-нчы декабрь). Казан метрополитенында яңа ел фотозонасы барлыкка килде. Ул «Сукно бистәсе» станциясенең касса залында урнаштырылган, аннан теләгән һәркем файдалана ала.

Фотозона традицион бәйрәм композициясеннән гыйбарәт: матур гирляндалар һәм шарлар белән бизәлгән чыршы, урман хайваннары фигуралары, бүләк тартмалары, яшел фон һәм аяк астында кар имитациясе, түшәмдә – светодиодлардан йолдызлар.

Бәйрәм кәефен булдыру өчен башка барлык станцияләр дә бизәлгән, ә платформада бәйрәм котлаулары яңгырый, дип хәбәр итә МУП «Метроэлектротранс».

Шулай ук укыгыз

Барлык яңалыклар