KZN.RU порталында "Казанда яңа ел - 2019" бүлеге ачылды

Анда төп шәһәр һәм район чыршыларының, боз шугалакларының, чыршы базарларының урнашу урыны һәм чараларның мәдәни афишасы турында бөтен мәгълүмат җыелган.

(Казан шәһәре KZN.RU, 20-нче декабрь). KZN.RU порталында Казанда яңа 2019 елны бәйрәм итүгә багышланган бүлек ачылды. Татарстан башкаласы халкына һәм кунакларына уңайлы булсын өчен анда яңа ел каникулларында вакытны ничек күңелле итеп үткәрү һәм 20 декабрьдән 8 гыйнварга кадәр шәһәр халкы өчен нинди чаралар әзерләнүе турында барлык файдалы мәгълүмат җыелган.

"Казанда яңа ел -2019" бүлегендә шәһәрдә каникулларның төп мәйданчыклары, барлык район чыршылары, боз шәһәрчекләре һәм чыршы базарларының, чаңгы базаларының, шугалакларның һәм чаңгы һәм тимераякта шуу пунктларының локацияләре турында мәгълүмат тәкъдим ителде. Биредә шулай ук мәдәни бәйрәм чаралары афишасы, шул исәптән Казан паркларында һәм скверларында, шәһәрнең кайсы мәйданчыкларында фейерверк җибәрергә һәм яңа ел бәйрәмнәрендә транспорт эше режимы белән танышырга мөмкин.

Шулай ук укыгыз

Барлык яңалыклар