KZN.RU порталында «Капремонт-2019» бүлеге яңартылды

Хәзер шәһәр халкы агымдагы елда төзекләндереләчәк биналарның тулы исемлеге белән таныша ала.

(Казан шәһәре KZN.RU, 26-нчы март). KZN.RU порталында «Капремонт» бүлеге яңартылды.

Хәзер шәһәр халкы агымдагы елда төзекләндереләчәк күпфатирлы торак йортларның, ишегалды территорияләренең, шәһәр һәм бистә урамнарының, мәгариф учреждениеләренең, яшүсмерләр клубларының тулы исемлеге белән таныша ала.

2019 елда Казанда 234 күп фатирлы торак йортны, 296 ишегалдын, 17 мәгариф учреждениесен, 14 яшүсмерләр клубын, шулай ук 32 шәһәр һәм поселок урамын һәм 19 тротуарны «Имин һәм сыйфатлы юллар» федераль программасы буенча капиталь төзекләндерү планлаштырыла. Чагыштыру өчен, узган ел Татарстан Республикасы башкаласында 280 күп фатирлы йорт, 16 поликлиника, 2,5 млн.кв. м юл ремонтланган.

Шулай ук укыгыз

Барлык яңалыклар