Казанда Мир һәм Совет урамнары киселешендә хатын-кызны бәрдереп үтергәннәр

Бер тәүлек эчендә шәһәрдә 130 юл транспорт һәлакәте булган

Фото: Денис Гордийко

(Казан шәһәре KZN.RU, 28 нче сентябрь). Узган тәүлектә Казанда 130 юл-транспорт һәлакәте теркәлгән. Аларда 10 кеше зыян күргән, тагын берсе вакыйга урынында үлгән.

Мәсәлән, 27 нче сентябрьдә Мир һәм Совет урамнары киселешендә 18 яшьлек шофер юл чатын светофорның тыю сигналына узган. Каршы як полосага эләккән кыз 50 яшьлек ханымны бәрдерә. Ул юлны көйләнә торган җәяүлеләр кичүе буенча светофорның рөхсәт итә торган сигналына чыккан. Алынган җәрәхәтләрдән зыян күргән ханым вакыйга урынында вафат була.

Бу көнне Зорге урамындагы 50/2 нче йорт каршында тагын бер юл-транспорт һәлакәте теркәлгән. Беренчел мәгълүматлар буенча, 43 яшьлек шофер сул якка борылганда юлны тиешсез урында үтүче 55 яшьлек хатын-кызны бәрдерә. Төрле дәрәҗәдәге җәрәхәтләр алган зыян күрүчене хастаханәгә салганнар.

Узган тәүлектә 460 машина йөртүче һәм 34 җәяүле административ җаваплылыкка тартылган. 48 очракта куркынычсызлык каешларын куллану кагыйдәләре бозылган, 33 очракта җәяүлеләргә юл бирелмәгән. Исерек килеш автомобиль белән идарә иткән өчен 10 кеше тоткарланган, дип хәбәр иттеләр Россия Эчке эшләр министрлыгының Казан буенча ЮХИДИ идарәсе пропаганда бүлегендә.

Шулай ук укыгыз

Барлык яңалыклар