Казанның бер сәүдә үзәге парковкасында эшкәртү өчен икенчел чимал җыячаклар

Йомшак пластик, техника, макулатура, каләмнәр һәм фломастерлар тапшырырга мөмкин

Фото: vk.com/ecologickzn

(Казан шәһәре KZN.RU, 24 нче май). Казан сәүдә үзәге парковкасында 28 нче майда икенчел чимал кабул итү мобиль пункты эшләячәк. Шәһәр халкы калдыкларны эшкәртүгә тапшыра алачак.

Волонтерлар йомшак пластик, ПЭТ-шешәләр, металл, алюминий, техника, каләмнәр һәм фломастерлар, фольга, макулатура һәм башка фракцияләр кабул итәчәк. Тулы исемлек белән сылтама буенча танышырга мөмкин. Шул ук вакытта блистерлар, видеокассеталар, шәраб бөкеләре, теш щеткалары, пластик карталар, өч литрлы банкалар, су өчен фильтрлар һ.б. тапшырырга ярамый, дип хәбәр ителә «Экологично» төркеменең «Вконтакте» социаль челтәрендә.

Мобиль пункт 10:00 сәгатьтән 12:30 сәгатькә кадәр Җиңү Проспекты, 141 адресы буенча эшләячәк (Җиңү проспекты ягыннан Л42 ябык парковкасы).

2022 елда «Экологично» җәмгыяте икенчел чимал җыю буенча 15 акция оештырды. Аларда 4,8 мең шәһәр кешесе катнашкан, алар эшкәртүгә 15,5 тоннадан артык икенчел чимал һәм кием тапшырган. 3 кг артык әйберләр «Беренче адым» хәйрия фондына тапшырылган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар