Аэропорт – Казан шәһәр яны поездының җәдвәле бер көнгә үзгәрәчәк

Поездның станцияләрдә тукталыш вакытлары да берникадәр үзгәрәчәк.

(Казан шәһәре KZN.RU, 23-нче май). 24-нче майда Аэропорт – Казан юнәлешендәге 6709-нчы номерлы шәһәр яны поездының җәдвәле үзгәрә.

Аэропорт станциясеннән поезд гамәлдәге җәдвәлдән 15 минутка соңарып 17.30 сәгатьтә кузгалачак, шуңа бәйле рәвештә ул Столбище станциясендә - 17.35-17.36 сәгатьтә, Юбилей станциясендә - 17.38-17.39 сәгатьтә, Комбинат станциясендә - 17.42-17.43 сәгатьтә, Березовая рощада - 17.45-17.46 сәгатьтә, Вахитовода 17.52-17.53 сәгатьтә туктаячак. Казан станциясенә 17.58 сәгатьтә килеп җитәр дип көтелә, дип хәбәр иттеләр «Содружество» шәһәр яны пассажир компаниясендә.

Шулай ук укыгыз

Барлык яңалыклар