«Шәһәрле-галим» лабораториясенең чираттагы дәресендә казанлылар себер касатигын күчереп утыртуда катнашачаклар

Кызыл Китап үсемлекләре питомнигына экскурсия 21 нче июльгә планлаштырылган.

Фото: Марат Мөгыйнов

(Казан шәһәре KZN.RU, 19 нчы июль). Казанның «Шәһәрле-галим» лабораториясенең чираттагы дәресе экоактивизмга багышланачак. Проектта катнашучылар Кызыл Китап үсемлекләре питомнигында экскурсиядә булачаклар һәм практик биремне үтәячәкләр.

Казан федераль университетының ботаника һәм үсемлекләр физиологиясе кафедрасы доценты Нина Прохоренко һәм питомникны саклаучы Сергей Мухачев шәһәр халкына сирәк үсемлекләр турында сөйләячәк, ә шәһәрлеләр Кызыл Китапка кертелгән себер касатигын күчереп утыртуда катнаша алачаклар.

Дәрес 21 нче июль көнне 18:00 сәгатьтә узачак. Очрашу урыны – Себер тракты буенча «2 нче переезд» тукталышы. Керү ирекле, алдан теркәлү сорала. Һава торышы начар булган очракта, чара башка көнгә күчереләчәк, дип хәбәр ителә Казансуның үсеш стратегиясенең Telegram-каналында.

Исегезгә төшерәбез, «Шәһәрле-галим» проекты Казан Мэриясе, Казансу елгасының үсеш стратегиясе, ТР шәһәрләрен үстерү институты һәм шәһәрнең Парклар һәм скверлар дирекциясе тарафыннан гамәлгә ашырыла. Узган дәрестә казанлылар походка ничек җыенырга кирәклеген белделәр һәм Рус-Алман Швейцариясе флорасы белән таныштылар.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар