Казан мәчетләрендә җәйге каникулларда балалар өчен программа оештыралар

Укучылар ислам нигезләрен өйрәнә һәм күңел ачу чараларында катнаша ала.

Фото: Денис Гордийко

(Казан шәһәре KZN.RU, 1 нче июнь). Җәйге каникуллар вакытында Татарстан мөхтәсибәтләре мәктәп укучылары өчен рухи-сәламәтләндерү курслары оештыра.

Гадәттәгечә, республика мәчетләрендә балалар өчен бай эчтәлекле программа әзерләнгән, анда әхләк, ислам нигезләре, Коръән өйрәнү буенча дәресләр каралган. Шулай ук күңел ачу чаралары – уеннар, конкурслар, Сабантуй һ.б. планлаштырылган, дип хәбәр итә ТР Диния нәзарәте матбугат хезмәте.

Балалар өчен программа июнь аеннан Казанның 13 мәчетендә оештырылачак: Апанай, «Тынычлык», «Нур әл-Ислам», «Рамазан», «Гаилә», «Сәлах», «Иман нуры», «Бишбалта», «Кыйбла», «Фәрхәд», «Өметлеләр», «Бистә нуры», «Миргазиян».

Мәчетләрнең адреслары, программаны үткәрү вакыты һәм элемтә өчен телефоннар ТР Диния нәзарәте сайтында урнаштырылган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар