В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
23.06.2018, 21:37
Казан ипподромында “Сабантуй-2018” бүләгенә ат чабышлары үтте
1600 м дистанциягә беренче булып Арабская Королева кушаматлы 4 яшьлек бия килде.
(Казан шәһәре KZN.RU, 23-нче июнь). Бүген “Казан” халыкара ат спорты комплексы мәйданчыгында “Сабантуй-2018” бүләгенә чабышлар үтте.
Казан ипподромына ат чабышларын карарга дип Татарстан Республикасы Президенты Рөстәм Миңнеханов, ТР Президенты Аппараты җитәкчесе Әсгать Сәфәров, Казан Мэры Илсур Метшин, ТР Премьер-министры урынбасары Ләйлә Фазлыева, ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов, ТР Спорт министры Владимир Леонов һ.б. рәсми затлар килде.
1600 м дистанциягә беренче булып Арабская Королева кушаматлы 4 яшьлек бия килде. Бүләк Татарстанда калды, чөнки ат ТР буенча Эчке эшләр министрлыгының “Динамо” ат спорты клубыныкы.
Искәртергә кирәк, “Сабантуй-2018” бүләгенә 3 яшьтән өлкән сигез ат катнашты.
Оештыручылар билгеләп үткәнчә, бүләкләр өчен – барлыгы 2,6 млн сумннан артык уйнатылды – иң яхшы чабыш атлары (барлыгы 100 ат) һәм жокейлар килде.
Шулай ук укыгыз
-
25.07.2025, 17:36 -
25.07.2025, 16:54 -
25.07.2025, 16:19 -
25.07.2025, 14:57