Казанда узган Ironstar Timerman Cup чарасында Россиянең 56 төбәгеннән 1800 спортчы финишка килде

Ярышларда катнашучылар арасында Казан вице-мэры, Башкарма комитет аппараты җитәкчесе, спорт комитеты рәисе, Вахитов һәм Идел буе районнары башлыгы бар иде.

Фото: Марат Мөгыйнов

(Казан шәһәре KZN.RU, 20 нче июнь, Юлия Летникова). 17 нче һәм 18 нче июньдә Казанда үткән Ironstar Timerman Cup чарасында илнең 56 төбәгеннән һәм 155 шәһәреннән 1800 спортчы финишка килде. Ярышлар урта дистанциядә триатлон буенча Россия чемпионаты кысаларында узды.

Казан Мэры Илсур Метшин билгеләп үткәнчә, шәһәр төрле спорт чараларын бик теләп кабул итә. «Ironstar Timerman Cup чарасында зур тәҗрибә туплаган спортчылар катнашты. Алар Казанда ярышларны оештыруны югары бәяләделәр һәм матур урыннарны, шәһәр структураларының җайга салынган эшен билгеләп үттеләр», – дип ассызыклады шәһәр башлыгы.

Ironstar Timerman Cup чарасына төрле дәрәҗәдәге спортчылар стартка чыкты, алар йөзү, велоузыш һәм йөгерү этапларының һәрберсендә үз көчләрен сынап карадылар. Катнашучылар арасында Казан Башкарма комитеты хезмәткәрләре дә бар иде: Казан муниципаль берәмлеге башлыгының беренче урынбасары Денис Калинкин, Вахитов һәм Идел буе районнары администрациясе башлыгы Марат Закиров, Казан Башкарма комитеты Аппараты җитәкчесе Булат Алеев, Физик культура һәм спорт комитеты рәисе Альберт Салихов. И.Метшин хезмәттәшләрен уңышлы финиш белән котлады.

Фоторепортаж

Эшлекле дүшәмбе, 20.06.2022

Шулай ук укыгыз

Барлык яңалыклар