«Казан» гаилә үзәге янындагы төп чыршы янында «КышДаКар-фест» дәвам итә

Яңа ел бәйрәмнәре вакытында 15 көн эшләү дәверендә «КышДаКар-фест»та 200 меңнән артык кеше булган.

(Казан шәһәре KZN.RU, 16-нчы гыйнвар). Татарстан башкаласында «КышДаКар-фест»дәвам итә. Төп мәйданчык «Казан» гаилә үзәге янында боз шәһәрчеге янында ачылды, Бауман урамында «Кремль» метро станциясе янында тагын бер мәйданчык эшли.

Шәһәр кунаклары һәм халкы төрле кышкы уеннарда катнаша ала: Касә янында кар бабайлар фестивале, бозда йөгерү, «таулар патшасы» уены, мастер-класслар, театр һәм бию чыгышлары уздырыла. Фестиваль барышында инде 30 мастер-класс үткәрелгән, алар барышында 200-дән артык кул эшләнмәләре ясалган. Казан символикасы һәм милли атрибутикалы 1,5 меңнән артык сувенир сатылган.

Ярминкәләрдә шәһәр халкы һәм кунаклары 6 төрдән артык хуш исле глинтвейн, 6 төр пилмән, үрдәк ризыклары, Чехия трдельнигын, татар ашлары һәм башка ризыкларны татып карый ала. Быел «КышДаКар-фест»та шәһәрнең 20 кафесы һәм рестораны, республиканың 7 фермер хуҗалыгы, 20 сувенир һәм милли продукция җитештерүче, шул исәптән үзмәшгуль гражданнар катнаша.

Эш көннәрендә мәйдан – 16.00-дан 22.00-гә кадәр (дүшәмбедән тыш), ял көннәрендә 10.00-нан 22.00-гә кадәр (күңел ачу программасы - 16.00-дан 20.00-гә кадәр) эшләячәк, дип хәбәр итәләр Туризмны үстерү комитетында. 16-нчы һәм 17-нче гыйнвар көннәрендә, боз шәһәрчеге вакытлыча ябылу сәбәпле, «Казан» гаилә үзәге янында «КышДаКар-фест» мәйданчыгы эшләмәячәк.

Исегезгә төшерәбез, Яңа ел бәйрәмнәре вакытында 15 көн эшләү дәверендә «КышДаКар-фест»та 200 меңнән артык кеше булды – бу узган ел белән чагыштырганда 10 тапкырга күбрәк дигән сүз. Фестивальдә 5 меңнән артык өчпочмак һәм башка милли ризыклар ашалган, 3 мең литрдан артык глинтвейн һәм 2 мең чәй эчелгән.

Шулай ук укыгыз

Барлык яңалыклар