“Туым җондозы” фестивале гала-концертында узган елларда җиңүчеләр чыгыш ясаячак

“Туым җондозы” фестивале гала-концертында узган елларда җиңүчеләр чыгыш ясаячак

<p> (Казан шәһәре KZN.RU, 11-нче гыйнвар). Х “Туым җондозы” – “Рождественская звезда-2018” керәшен халык җырын яшь башкаручылар бәйге-фестивале гала-концертына узган елларда җиңүчеләр, “Керәшен чибәре” республика бәйгесе җиңүчеләре, милли эстрада йолдызлары чакырылган. Финалистлар 13 гыйнварда Г.Тукай исемендәге Татар дәүләт филармониясендә чыгыш ясаячаклар.<br> </p> <p> Фестиваль,керәшен музыка иҗатының иң яхшы үрнәкләрен пропагандалау һәм саклау һәм үзэшчән артистларны ачыклау максатында, шәһәр бәйгесе буларак оештырылган. Вакыт үтү белән “Туым җондозы” – “Рождественская звезда” башта – төбәк, соңрак Бөтенроссия бәйгесенә әверелгән. 10 ел эчендә бәйгедә Татарстанның 20 муниципаль берәмлегеннән һәм Россиянең Башкортстан, Марий Эл, Удмуртия һәм Чиләбе өлкәләреннән керәшен музыкасын башкаручылар катнашкан. </p> <p> Бүләкләр җиде номинациядә бирелә: “Фольклор-эстрада вокалы”, “Этник вокал”, “Халык вокалы”, “Фольклор ансамбль”, “Вокаль ансамбле” һәм “Инструменталь ансамбль”. Бәйге жюрисын сәнгать белеме кандидаты, Казан консерваториясенең татар музыкасы һәм этник музыка белеме кафедрасы доценты, Татарстанның атказанган сәнгать эшлеклесе Геннадий Макаров җитәкли, дип хәбәр итә оештыручылар. </p>

2018-01-11T15:14:32+0300