Казанда туңдырма фестивалендә Гавайи, скульптура һәм кыздырылган салкын десертлар тәкъдим ителәчәк

Бәйрәм кунаклары гадәти булмаган тәм-томнарны татып карый, бадминтон уйный һәм фотозонада җәйге кадрлар ясый алачаклар.

Фото: Парклар һәм скверлар дирекциясе матбугат хезмәте

(Казан шәһәре KZN.RU, 29 нчы июль). 30 нчы һәм 31 нче июль көннәрендә Горький исемендәге Казан паркында дүртенче тапкыр туңдырма фестивале узачак. 20 дән артык җитештерүче шәһәр халкына Гавайи, скульптура һәм кыздырылган салкын десертлар, шулай ук кокос һәм гранула эчендә туңдырма тәкъдим итәчәк.

Гастрономия бәйрәме күңел ачу программасы белән үрелеп барачак. Казанлылар алдында музыкантлар үзләренең иҗади номерларын тәкъдим итәчәк, ә диджейлар лайв-сетлар уйнаячак. Чыгышлар җәдвәлен сылтама буенча карарга мөмкин. Моннан тыш, паркта балалар өчен күңел ачу, җәйге кадрлар өчен фотозоналар, ял һәм пикниклар өчен мәйданчык оештырылачак. Паркта фестиваль партнерларыннан якты образ булдыру өчен глиттер-станция, шулай ук пледлар һәм фрисби, бадминтон уеннары өчен спорт инвентаре бирү зонасы эшләячәк.

Туңдырма фестивале 12:00 дән 21:00 гә кадәр паркның яшел кырында узачак. Керү ирекле, дип хәбәр иттеләр Казанның парклар һәм скверлар дирекциясе матбугат хезмәтендә.

Шулай ук укыгыз

Барлык яңалыклар