Бу атнада Татарстанда яшен, боз һәм 31 градуска кадәр эссе көтелә

Иртәгә Казанда синоптиклар секундына 15 метрга кадәр көчле җил вәгъдә итә

Фото: Денис Гордийко

(Казан шәһәре KZN.RU, 29 нчы май). Иртәгә Татарстан буенча урыны белән яшен һәм җилнең секундына 15-20 метрга кадәр, урыны белән секундына 23 метрга кадәр көчәюе фаразлана. Бу хакта ТР Гидрометүзәге кисәтә.

Якынча фаразлар буенча, иртәгә Казанда яшәүчеләрне алмашынучан болытлы һава торышы көтә. Төнлә явым-төшем көтелми, һава температурасы +9..+11 градус тәшкил итәчәк. Көндез урыны белән синоптиклар кыска вакытлы яңгыр, секундына 15 метрга кадәр кадәр җил һәм +23..+25 градуска кадәр җылы вәгъдә итә.

Чәршәмбе, 31 нче майда, Татарстанда да яшенле яңгырлар булачак, урыны белән боз явуы ихтимал. Төнге температура +15..+20 градус тәшкил итәчәк. Көндез һава +21..+26 градуска кадәр җылыначак, көнчыгышта +31 градуска кадәр җитәчәк.

Пәнҗешәмбе, 1 нче июньдә тотрыксыз һава торышы сакланачак. Төнлә урыны белән яңгыр, яшен һәм +11..+16 градуска кадәр фаразлана. Көндез явым-төшем туктый, татарстанлыларны +21..+26 градус җылылар көтә.

Җомга һәм шимбә көннәрендә, 2 нче һәм 3 нче июньдә, Татарстанда уртача-җылы һава көтелә, иң югары һава температурасы +22..+27 градус булачак. Кайбер урыннарда бераз яңгыр явачак.

Шулай ук укыгыз

Барлык яңалыклар