Бу атнада татарстанлыларны кыска вакытлы яңгырлар көтә

Иртәгә көндез Казанда термометр баганалары +22 градуска кадәр күтәреләчәк

Алдагы көннәрдә Татарстанда кыска вакытлы яңгырлар көтелә. Тәүлеклек уртача температура нормадан 3–5 градуска түбәнрәк булачак. Бу турыда республиканың Гидрометүзәге хәбәр итә.

23 нче июльдә Казанда аязучан болытлы һава. Сизелерлек явым-төшем фаразланмый, урыны белән секундына 14 метрга кадәр тизлектә җил булырга мөмкин. Һава температурасы төнлә +12..+14 градусны тәшкил итә. Көндез термометр баганалары +20..+22 градуска кадәр күтәреләчәк.

Чәршәмбе, 24 нче июль көнне, төнлә явым-төшемнәр көтелми, һава температурасы +9..+14 градуска кадәр төшәчәк. Көндез кыска вакытлы яңгырлар булуы мөмкин, һава +20 дән +25 градуска кадәр җылыначак.

25 июльдән 27 нче июльгә кадәр Татарстанда синоптиклар кыска вакытлы яңгырлар фаразлый. 25 һәм 26 нчы июльдә көндез һава температурасы +17..+22 градустан югары булмаячак. Бу көннәрдә һаваның минималь температурасы +9..+14 градусны тәшкил итәчәк.

Шулай ук укыгыз

Барлык яңалыклар