Йөзү буенча Россия чемпионатында Татарстан спортчылары 13 медаль яулады

Аларның дүртесе Глазгода узачак Европа чемпионаты ярышларында катнашачак.

(Казан шәһәре KZN.RU, 11-нче ноябрь). Казанда Су спорт төрләре сараенда узган кыска суда йөзү буенча Россия Чемпионатына йомгак ясадылар. Ярыш нәтиҗәләре буенча татарстанлылар активында 13 медаль булды.

Ил субъектлары арасында команда зачетында Татарстан җыелма командасы өченче булды, бары тик Мәскәү һәм Санкт-Петербург командаларыннан гына калышты. Республика спортчылары 13 медаль яулады: 3 алтын, 2 көмеш һәм 8 бронза.

Турнирда иң нәтиҗәле күрсәткечкә Вероника Андрусенко ия булды. Аның исәбендә - 3 медаль: ирекле стиль белән 200 һәм 400 метр дистанцияләрдә ике алтын, шулай ук шул ук дисциплинада йөз метрга йөзүдә бронза медаль. Моннан тыш, 400 метр дистанциядә спортчы Россиянең яңа рекордын да куйды, дип хәбәр итә ТР Спорт министрлыгы матбугат хезмәте.

Ярышларда илнең 66 төбәгеннән 800-дән артык спортчы катнашты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар