Серов урамындагы бульварда «Җәй – кечкенә тормыш» импровизация спектакле узачак

Тамашада «Э-моция» иҗади инклюзия студиясендә тәрбияләнүчеләр катнашачак

Казанда 6 июньдә Серов урамындагы бульварда «Җәй – кечкенә тормыш» импровизацияләнгән перфоманс узачак. Куелышны «Тристори» плейбэк-театры һәм «Э-моция» иҗат инклюзия студиясе актерлары тәкъдим итәчәк.

Үзенчәлекле тамаша барышында актерлар халыкның чын тарихларын әдәби образларга һәм театр тамашаларына әйләндерәчәк. Тамашачыларга җәй һәм бу вакыт белән бәйле җылы истәлекләр темасына сораулар бирәчәкләр, дип хәбәр итә Казанның парклар һәм скверлар дирекциясе.

Перфомансның бер өлеше буларак теләгән һәркем катнашырга мөмкин. Кунакларны сәхнә янында инклюзив бульвар көтә. Башлана – 19: 00 да.

Элегрәк хәбәр ителгәнчә, бүген Казанда «Мәдәни чәршәмбе» җәйге программасы старт алды. Мәдәни чаралар сезоны «Китап-Фест» әдәби кичәсеннән башлана, һәм ачык һавада симфоник оркестрлар һәм коллективлар чыгышлары белән дәвам итәчәк. Концертлар һәр чәршәмбе шәһәрнең 6 локациясендә узачак, төп урын П.И.Чайковский исемендәге 1 нче балалар музыка мәктәбе ишегалды булачак.

Исегезгә төшерәбез, объект «Яшәү өчен инфраструктура» милли проекты кысаларында гамәлгә ашырылды.

Шулай ук укыгыз

Барлык яңалыклар