Зур Казан боҗрасында яңгыр чистарту корылмаларының пластик резервуарлары монтажлана

Объектта траншеяләр эшләнә, нигез корыла, газүткәргеч торбалары һәм электр белән тәэмин итү линияләре төзелә.

Фото: mindortrans.tatarstan.ru

(Казан шәһәре KZN.RU, 19-нчы октябрь). Татарстан башкаласында Борисково урамыннан Техника урамына кадәрге участокта Зур Казан боҗрасының икенче этабын төзү дәвам итә. Узган атнада әзерлек һәм җир эшләре дәвам итте.

4100 кубометр чүп-чар чыгарылды, 200 тонна инертлы материаллар кайтарылды. 3340 куб.м күләмендә яңгыр сулары траншеясын ком белән күмү, шулай ук тротуарда һәм яшел зонада 600 куб метр күләмдә җир полотносын салу башкарылды.

Объектта комнан түшәлгән катлам, геосетка салу һәм 3900 кв.м мәйданда вак таш салу планировкасы эшләнгән.

Чистарту корылмаларында туплау конструкцияләренең гидроизоляциясе төгәлләнеп килә, яңгыр чистарту корылмаларының пластик резервуарларын монтажлау алып барыла, дип хәбәр итә ТР Транспорт һәм юл хуҗалыгы министрлыгы матбугат хезмәте.

Бер атнада 80 метрлы яңгыр канализациясе торбалары һәм 100 метрлы су торбалары сузылган.

Траншея эшләү, нигез салу, газүткәргеч торбаларын һәм электр белән тәэмин итү линияләрен салу башкарыла.

Узган атнада Зур Казан боҗрасының икенче этабы төзелешенә 96 кеше инженер-техник персонал һәм 36 берәмлек махсус техника җәлеп ителде.

Исегезгә төшерәбез, Борисково урамыннан Техника урамына кадәр 1,222 чакрым озынлыктагы юл участогын төзү «Имин һәм сыйфатлы автомобиль юллары» илкүләм проекты буенча алып барыла. Зур Казан боҗрасы төзелешенең икенче этабы кысаларында проект документациясендә коммуникацияләрне яңадан урнаштыру, яңгыр канализациясе һәм чистарту корылмалары, терәк диварлар, светофор объектлары, тышкы яктырту системалары урнаштыру, трамвай юллары төзү каралган. Монастырь ермагы аша 70,78 м озынлыктагы күпер салыначак.

Август ахырында Мидхәт Булатов урамыннан алып Борисково урамына кадәр 800 м озынлыктагы участокта Зур Казан боҗрасының беренче чираты ачылды.

Шулай ук укыгыз

Барлык яңалыклар