Зур Казан боҗрасында җәяүлеләр зоналарын төзекләндерү дәвам итә

Зур Казан боҗрасының икенче участогында күпер буенча уза торган трамвай юлының 300 метр озынлыктагы киртәләре урнаштырылган.

(Казан шәһәре KZN.RU, 7-нче сентябрь). Татарстан башкаласында Борисково урамыннан Техника урамына кадәр 1,222 чакрым озынлыктагы Зур Казан боҗрасының икенче этабын төзү дәвам итә. Үткән атнада эшчеләр күпер конструкцияләрен буяу, Монастырь ермагы авышлыкларын ныгыту эшләрен төгәлләде.

Объектта күпернең пролетлы корылмаларында су үткәргеч лотокларын монтажлау дәвам итә, күпернең трамвай юлы буйлап 300 метр озынлыктагы киртәләре куелган. Төрле участокларда гомуми мәйданы 1440 кв.м булган асфальт-бетон өслекнең аскы катламы түшәлгән.

Моннан тыш, төзүчеләроткослар планировкасын, 1100 кв.м мәйданда биоматлар җәю һәмсибүне, шулай ук 3500 кв.м мәйданлы яшел зоналар планировкасын үтәделәр. Бүгенгә тротуарларда 410 кв.м җир полотносы төзекләндерелгән.

Күпер астындагы борылма элмәктә һәм җирле юлларда 300 метр озынлыктагы киртәләр урнаштырылган. Моннан тыш, 2-нче номерлы троллейбус депосы янында трамвай тукталыш павильоннары җиһазландырылган.

Объектта инженерлык челтәрләрен салу һәм чистарту корылмаларын төзү дәвам итә. Узган атнада фундаментның аскы плитәсен ныгыту тәмамланды, чистарту корылмаларының диварларын ныгыту эшләре башланды.

Зур Казан боҗрасының икенче этабы төзелешендә 56 кешедән торган инженер-техник персонал һәм 9 берәмлек махсус техника катнаша, дип хәбәр итә ТР Транспорт һәм юл хуҗалыгы министрлыгы матбугат хезмәте.

Борисково урамыннан Техника урамына кадәр 1,222 чакрым озынлыктагы юл участогын төзү «Имин һәм сыйфатлы автомобиль юллары» илкүләм проекты буенча алып барыла. Зур Казан боҗрасы төзелешенең икенче этабы кысаларында проект документациясендә коммуникацияләрне яңадан урнаштыру, яңгыр канализациясе һәм чистарту корылмалары, терәк диварлар, светофор объектлары, тышкы яктырту системалары урнаштыру, трамвай юллары төзү каралган. Монастырь ермагы аша 70,78 м озынлыктагы күпер салыначак.

Исегезгә төшерәбез, 30-нчы августта Мидхәт Булатов урамыннан Борисково урамына кадәр 800 м озынлыктагы участокта Зур Казан боҗрасының беренче чираты ачылды. ТАССРның 100 еллыгы Магистрале исеме бирелгән әлеге юл аша Россиядә иң озын трамвай маршруты уза - аның озынлыгы 34 чакрым тәшкил итә.

Шулай ук укыгыз

Барлык яңалыклар