Татарстанда «Урманны саклыйк» акциясендә бер миллионнан артык агач утыртылачак

Татарстанда «Урманны саклыйк» акциясендә бер миллионнан артык агач утыртылачак

<p> </p> <div class="detail-picture"> <img src="https://kzn.ru/upload/iblock/170/1708d3de56266f3041dda3d6e7be4cf7.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 14 нче октябрь). Бүген Татарстанда «Урманны саклыйк» бөтенроссия акциясе узачак. Бөтен республика буенча бер миллионнан артык европа чыршысы, гади карагай, себер карагае, вак яфраклы юкә, гади миләш, имән һәм каен үсентеләре утырту планлаштырыла.<br> <p> </p> <p> Агачларны күпләп утырту Казан янындагы дүрт мәйданчыкта – Биектау районының Биектау һәм Семиозерка авыллары янында, шулай ук Лаеш районының Матюшино һәм Пиголи авыллары янында булачак. Акцияләр 10:00 сәгатьтә башлана, аларга теләгән һәркем кушыла ала. Перчаткалар, көрәкләр һәм үсентеләр урында биреләчәк. </p> <p> Акцияләрнең төгәл урыны белән <a target="_blank" href="https://minleshoz.tatarstan.ru/vserossiyskaya-aktsiya-sohranim-les.htm">сылтама</a> буенча танышырга мөмкин. </p> <p> 2022 елда акциядә 20 мең татарстанлы катнашты. Алар 595 гектар мәйданда ике миллион агач утырттылар, дип искәрттеләр ТР Урман хуҗалыгы министрлыгының матбугат хезмәтендә. </p> <p> «Урманны саклыйк» акциясе Россия Президенты кушуы буенча «Экология» милли проекты буенча үткәрелә. Оештыручылар булып РФ Табигый ресурслар һәм экология министрлыгы, Урман хуҗалыгы федераль агентлыгы һәм «Урман волонтерлары» бөтенроссия иҗтимагый хәрәкәте тора. </p>

2023-10-14T08:38:02+0300