«Игелекле Казан» тарафыннан оештырылган акциядә шәһәрлеләр уенчыклар һәм китаплар белән алмаша алачак

Ошаган әйберне алу өчен йорт хайваннарына азык калдырырга кирәк булачак

Фото: Денис Гордийко

ТР башкаласында сишәмбе, 16 нчы апрельдә, «Игелекле алмашу» акциясе оештырыла. Чарада катнашучылар, кирәкмәгән әйберләрне калдырып, ошаганнарын алып китә алачак.

Акциядә волонтерлар яхшы хәлдә сакланган уенчыклар, китаплар һәм кул эшләнмәләре кабул итә. Әйберләр белән алмашу өчен дүрт аяклы дусларга азык калдырырга кирәк булачак – аларны приютка тапшыралар.

Акция Мамадыш тракты, 8а адресы буенча урнашкан азык-төлек кибетендә уза. Чарада катнашырга теләге булган һәркемне 10:00 сәгатьтән 20:00 сәгатькә кадәр көтәләр, дип хәбәр иттеләр «Игелекле Казан» коммерциягә нигезләнмәгән автоном оешмасында.

Шулай ук укыгыз

Барлык яңалыклар