Казан яшь тамашачылар театрында «Лапа любви» акциясендә зооприютлар өчен 50 кг азык җыйганнар

Казан яшь тамашачылар театрында «Лапа любви» акциясендә зооприютлар өчен 50 кг азык җыйганнар

<p> </p> <div class="detail-picture"> <img src="https://kzn.ru/upload/iblock/41c/DSC_8330_870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 14 нче февраль). 13 нче февраль көнне Казан дәүләт яшь тамашачы театрында «Бәби» спектаклен күрсәтү вакытында узган «Лапа любви» хәйрия акциясендә хайваннарга 50 кг азык җыелган иде. Билет сатудан кергән табышның яртысы «Сердце дворняги» һәм «Вега» зооприютларына җибәреләчәк (алар өчен 68 мең 400 сум акча җыелган), дип хәбәр итә театрның матбугат хезмәте. <p> </p> <p> «Бәби» спектакле «Кече Ватан мәдәнияте» федераль проекты кысаларында куелган һәм тамашачыга песиләр, этләр һәм кешеләр арасында уртак кыйммәтләр булуын күрсәтә. Театр фойесында тамашачыларга кинолог Регина Мөхәммәтханова җитәкчелегендә төрле ярышларда призлы урын яулаган бордер-колли токымлы Эстерның күрсәтмә чыгышы тәкъдим ителде. </p> <p> Шулай ук AM Models модельләр агентлыгының һәм «ЗооЗабота» фондының уртак проекты – календарьлар, авторлык кул эшләнмәләре, Яшь тамашачы театры рәссамнарыннан тәбрикләмәләр сатылды. Фойеда өйгә алып китәргә мөмкин булган хайваннарның фотосурәтләре урнаштырылды. </p>

2022-02-14T16:21:32+0300