Муниципаль хезмәткәрләр Казан Башкарма комитетында стажировка үтте

Программа йомгаклау аттестациясе һәм квалификация күтәрү турында таныклыклар тапшыру белән тәмамланды.

Фото: Марат Мугинов

(Казан шәһәре KZN.RU, 19-нчы февраль). 17-18-нче дәүләт гражданлык һәм муниципаль хезмәткәрләр Казан Башкарма комитетында стажировка үтте. Квалификацияне арттыру ике программа буенча алып барылды: «Казан җирле үзидарә органнары персоналы белән идарә итү системасы» һәм «Казан муниципаль берәмлеге Башкарма комитетында гражданнар мөрәҗәгатьләре белән эшләүне оештыру».

Кыска сроклы стажировкаларны ачу тантанасында Казан Башкарма комитеты Аппараты җитәкчесе Евгений Варакин, КФУның Дәүләт һәм муниципаль идарә югары мәктәбе директоры Игорь Привалов, Казан Башкарма комитеты Аппаратының Кадрлар сәясәте идарәсе башлыгы Гөлнара Мусина, Казан Башкарма комитеты Аппаратының Эшлекле җитештерү идарәсе башлыгы Надежда Казаринова чыгыш ясады.

Уку барышында хезмәткәрләр теоретик белемнәрен ныгыттылар һәм стажировка мәйданчыклары юнәлешләре буенча гамәли күнекмәләр алдылар, ә оештыручылар үз тәҗрибәләре һәм иң яхшы продуктив практикалары белән уртаклашты.

Стажировка программасы тест формасындагы йомгаклау аттестациясе һәм квалификация күтәрү турында таныклыкларны тантаналы тапшыру белән тәмамланды.

Исегезгә төшерәбез, Татарстан Республикасы Президентының 2018 елның 18-нче августындагы ПУ-57 номерлы Указы нигезендә, Татарстан Республикасы Министрлар Кабинетының 2018 елның 29-нчы декабрендәге 1260 номерлы карары нигезендә, республикада дәүләт органнарында һәм муниципаль берәмлекләрдә стажировка мәйданчыкларында яңа билгеләнгән җитәкче составларның һөнәри үсеше оештырылды.