Казанда муниципаль парковкалар 2022 елдан шимбә һәм якшәмбе көннәрендә бушлай эшләячәк

Казанда муниципаль парковкалар 2022 елдан шимбә һәм якшәмбе көннәрендә бушлай эшләячәк

<div class="detail-picture"> <img src="https://kzn.ru/upload/iblock/a5c/DSC_1347_870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 27-нче декабрь, Ксения Швецова). Казанда урам-юл челтәре буйлап муниципаль парковкалар якшәмбе һәм бәйрәм көннәрендә генә түгел, шимбә көннәрендә дә бушлай эшләячәк. Эш көннәрендә түләү 8:00 сәгатьтән 19:00 сәгатькә кадәр алыначак. Бу хакта бүген эшлекле дүшәмбедә шәһәр Мэры Илсур Метшин игълан итте. </p> <p> «Намуслы машина хуҗаларын бу яңалык белән сөендерергә телим. Без бу практиканы Яңа ел бәйрәмнәреннән соң башлыйбыз. Бу автомобильләр агымын тәртипкә китерер дип өметләнәбез», – диде шәһәр башлыгы. Шунысын да билгеләп үтәргә кирәк, гыйнвар бәйрәмнәрендә муниципаль парковкалар <a href="https://kzn.ru/meriya/press-tsentr/novosti/munitsipalnye-parkovki-kazani-budut-rabotat-besplatno-v-yanvarskie-prazdniki/" target="_blank">бушлай</a> булачак. </p> <p> Мэр искә төшергәнчә, пандемия чорында Казанда эшкуарларга ярдәм итү йөзеннән муниципаль паркингларның ташламалы эш режимы кертелде, ул вакытта эш көннәрендә 7:00 сәгатьтән 18:00 сәгатькә кадәр түләүле, калган вакытта, шул исәптән шимбә, якшәмбе һәм бәйрәмнәрдә, муниципаль парковкалар бушлай иде. Ташламалы режим ел ахырына кадәр гамәлдә булачак. </p> <p> Ялларда паркингның түләүсез эше кече һәм урта эшкуарлыкта уңай чагылыш табачак, дип ышана И.Метшин. «Бу эшкуарлыкны, шул исәптән Яңа ел бәйрәмнәрен дә җанландырачак», – дип ассызыклады ул. </p> <p>   </p> <p>   </p>

2021-12-27T11:09:24+0300