Мошенниклар Казан пенсионерларыннан 3 млн сум акча алырга маташкан

Җинаять эшләре кузгатылган.

Фото: Марат Мөгыйнов

(Казан шәһәре KZN.RU, 29 нчы декабрь). Казан пенсионерлары мошенникларга ышанмаган һәм үз акчаларын саклап калган.

Аларның берсенә таныш булмаган кеше шалтыраткан, ул үзен аның туганы дип таныштырган. Әңгәмәдәш үзенең юл-транспорт һәлакәтенә эләгүен һәм зыян күрүчеләр булуын хәбәр иткән. Җинаять эше фигуранты булмас өчен шалтыратучы акча сораган.

Аннары пенсионер белән ялган хокук саклау органы хезмәткәре сөйләшкән, ул мәсьәләне хәл итү өчен 2 млн сум бирергә тәкъдим иткән. Пенсионер ханым сөйләшүне өзеп, «Савиново» полиция бүлегенә мөрәҗәгать итә.

Шундый ук хәлгә шәһәрдә яшәүче 91 яшьлек икенче пенсионер да эләккән. Мошенниклар аннан 1 млн сум алырга тырышкан. Пенсионер «Азино-2» полиция бүлегенә мөрәҗәгать иткән.

РФ Җинаять кодексының 159 нчы маддәсенең 4 нче өлеше, 30 нчы маддәсенең 4 нче өлеше буенча «Мошенниклыкка омтылыш» җинаять эшләре кузгатылды, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Россия Эчке эшләр министрлыгы мошенниклык очраклары арту сәбәпле, халыктан игътибарлы булуларын сорый. Телефонга шалтыратучы һәм туганнарыгыз турында мәгълүмат бирүче таныш булмаган кешеләргә ышанырга ярамый.

Шулай ук укыгыз

Барлык яңалыклар