Мошенниклар ике казанлыдан 1,3 млн сум акча урларга маташкан

Шәһәр кешеләре җинаятьчеләргә ышанмаган һәм акчаларын саклап калган.

Фото: Денис Гордийко

(Казан шәһәре KZN.RU, 1 нче ноябрь). Казанның Вахитов районында яшәүче ике кеше мошенникларга ышанмаган һәм барлыгы 1,3 миллион сум акчаны янга калдырган.

Шәһәрдә яшәүче 77 яшьлек хатынның өй телефонына билгесез заттан шалтырату килгән. Әңгәмәдәш үзен хокук саклау органнары хезмәткәре дип таныштыра һәм пенсионерның кызына юл-транспорт һәлакәте аркасында туган мәсьәләне хәл итү өчен 800 мең сум акча кирәклеген әйтә. Олы яшьтәге ханым сөйләшүне туктата һәм полициягә мөрәҗәгать итәргә була.

Казаннан тагын бер пенсионер мошенникларга ышанмый һәм акчасын саклап кала. Зыян күрүченең сүзләренә караганда, җинаятьчеләр күршесенә ярдәм итү өчен 500 мең сум акча таләп иткән, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Мошенниклык очраклары ешаюга бәйле рәвештә, Россия Эчке эшләр министрлыгы халыкны игътибарлы булырга чакыра. Кесә телефонына шалтыратып, туганнарыгыз турында мәгълүмат җиткерүче билгесез затларга ышанырга кирәкми.

Шулай ук банк картасыннан акча урлау очракларын булдырмас өчен, счетның торышы турында хәбәр итә алган бердәнбер оешма – аңа хезмәт күрсәтүче банк булуын истә тотарга кирәк.

Әгәр карта белән нинди дә булса операцияләр үткәрелүен сизсәгез, аны блокировкалау турында СМС-хәбәр килсә, кичекмәстән банкка мөрәҗәгать итәргә кирәк. Банкның клиент хезмәте телефоны гадәттә картаның икенче ягында күрсәтелә. СМС-хәбәрдә күрсәтелгән номерларга шалтыратып, хәбәр юлларга кирәкми, моның өчен өстәмә түләү алынырга мөмкин.

Шулай ук укыгыз

Барлык яңалыклар