Казанның яшь педагоглары һөнәри үсеш өчен 30 мең сум акча алырга мөмкин

Казанның яшь педагоглары һөнәри үсеш өчен 30 мең сум акча алырга мөмкин

Татарстан Республикасы башкаласында яшь педагоглар өчен конкурсның гариза бирү кампаниясе старт алды. Җиңүчеләр һөнәри үсеш өчен 30 мең сум алачак. Тиешле карар муниципаль хокукый актларның челтәр басмасында <a target="_blank" href="https://docskzn.ru/">басылып чыкты</a>.<br> <br> Муниципаль гомуми белем бирү учреждениеләренең 35 яшькә кадәрге, кимендә бер ел педагогик стажы булган хезмәткәрләре катнаша ала. Шул ук вакытта узган елгы җиңүчеләрдән гаризалар кабул ителми.<br> <br> Конкурс йомгаклары буенча жюри 50 кешене билгеләячәк, аларга өстәмә һөнәри белем бирү программалары буенча укырга, конференцияләрдә һәм укыту семинарларында (шул исәптән онлайн) катнашырга, методик әдәбият алырга, үстерә торган мохит булдыру өчен җиһазлар яисә педагогик лаборатория өчен материаллар сатып алырга субсидия биреләчәк.<br> <br> Конкурсның гариза бирү кампаниясе 1 сентябрьгә кадәр дәвам итәчәк. Катнашучыларга гариза, портфолио һәм мәгълүматларны эшкәртүгә ризалык белән архивланган папканы электрон адреска җибәрергә кирәк <a href="mailto:info@kazanobr.ru">info@kazanobr.ru</a>. Рәсмиләштерү үрнәге сылтама буенча <a target="_blank" href="https://kzn.ru/nayti-dokument/munitsipalnye-pravovye-akty-i-inaya-ofitsialnaya-informatsiya/724102/?lang=ta">күрсәтелгән</a>. Конкурс нәтиҗәләре 26 сентябрьгә кадәр игълан ителәчәк.<br> <br> Ярышны Казан шәһәре Башкарма комитетының мәгариф идарәсе үткәрә. Ул яшь педагогларның социаль статусын күтәрүгә, һөнәри үсеш, шәхес формалашу, белгечләрнең үз-үзләрен камилләштерү һәм тормышка ашыру өчен уңай шартлар тудыруга, шулай ук укытучы һөнәренең абруен күтәрүгә юнәлдерелгән.<br> <br>

2024-08-08T15:45:00+0300