Яшьләр хобби-боксы, иң биек Кыш Бабай һәм гаилә аттракционнары: Казан ипподромында чыршы шәһәрчеге ачылачак

Яңа ел каникулларында шәһәр халкын бәйрәм программалары, урам тамашалары һәм мастер-класслар көтә

Фото: vk.com/ippodrom_kzn

(Казан шәһәре KZN.RU, 26 нчы декабрь). Казан ипподромында 27 нче декабрьдә чыршы шәһәрчеге ачылачак. Мәйданчыкта ярминкә, аттракционнар, шугалак һәм тау, Кыш Бабай йорты, шулай ук фотозоналар эшләячәк. Шәһәр халкын һәм кунакларын яңа ел каникулларында ипподромда бәйрәм программалары, урам тамашалары һәм мастер-класслар көтә.

Кышкы күңел ачу паркы эш көннәрендә 16:00 дән 21:00 гә кадәр, ә ял һәм бәйрәм көннәрендә 10:00 дән 21:00 гә кадәр эшләячәк. Анда һәркем үзенә ошаган шөгыль таба алачак. Җәмәгать киңлегендә Казандагы иң биек Кыш бабай (биеклеге 10 метр), аркалар, шарлар формасындагы скульптуралар, шулай ук 19 метрлы чыршы урнаштырылачак. Нәни казанлылар өчен Кыш бабай йорты да эшләячәк, анда һәр бала кышкы тылсымчыга үзенең иң кадерле теләге турында сөйли алачак.

Яңа ел ярминкәсендә һәм азык-төлек кортында ризык һәм җылы эчемлекләр, кулдан эшләнгән товарлар тәкъдим ителәчәк. Мәйданчыклар бәйрәм чаралары вакытында 16:00 сәгатьтән 22:00 сәгатькә кадәр ачык булачак.

Яшьләргә ипподром территориясендә 27 нче һәм 28 нче декабрьдә хобби-бокс – яшүсмерләр өчен мобиль клуб эшләячәк. Алар өчен мастер-класслар әзерләнәчәк.

Моннан тыш, 27 нче декабрьдә чыршы шәһәрчеген ачу тантанасында тамашачылар өчен яңа ел программасы, Кыш бабай һәм Кар кызы чыгышы, бүләкләр белән конкурслар, биюләр һәм җырлар оештырыла. Программа 17:00 сәгатьтә башлана.

Ипподромдагы чыршы шәһәрчеге 13 нче гыйнварга кадәр эшләячәк. 28 нче декабрьдә 18:00 сәгатьтә «#ДобрыйСоветский» урам тамашасы планлаштырылган, анда мим ярдәмчеләре белән балалар һәм аларның ата-аналары өчен интерактив спектакль күрсәтәчәк. Шулай ук яңа ел программалары 3 нче, 4 нче, 7 нче һәм 13 нче гыйнварда 16:00 сәгатьтә планлаштырыла.

Шулай ук укыгыз

Барлык яңалыклар