Казанда 26 нчы мартта икенчел чималны кабул итү мобиль пункты эшләячәк

Шәһәр халкы йомшак һәм каты пластик, дарулардан бушаган блистерлар, пенопласт, коры органика китерә ала.

Фото: vk.com/ecologickzn

(Казан шәһәре KZN.RU, 22 нче март). 26 нчы мартта Казан сәүдә үзәкләренең берсендә икенчел чимал кабул итү мобиль пункты эшләячәк. Шәһәр халкы калдыкларны эшкәртүгә тапшыра һәм фримаркетта катнаша алачак.

Бу көнне йомшак пластик, ПЭТ-шешәләр, HDPE-2 һәм LDPE-4 маркировкалы пластик флаконнар һәм канистрлар, полистирол (PS-6) һәм пенопласт, дарулардан бушаган блистерлар, коры органика һәм башка фракцияләр кабул ителәчәк. Тулы исемлек белән сылтама буенча танышырга мөмкин. Видеокассеталар, теш щеткалары, пластик карталар, өч литрлы банкалар, су өчен фильтрлар һ.б. тапшырырга ярамый.

Акция вакытында фримаркет зонасы оештырылачак. Шәһәрлеләр кирәкмәгән әйберләрен калдырып, үзләренә ошаган әйберләрне ала алачак. Чәчәкләр өчен чүлмәкләр, хайваннар өчен азык, шәраб бөкесе, эшли торган пульверизаторлар, ясалма чыршылар, суши өчен таякчыклар һәм башка күп нәрсәләр кабул ителә.

Мобиль пункт 10:00 сәгатьтән 12:30 сәгатькә кадәр Җиңү Проспекты, 141 адресы буенча эшләячәк (Җиңү проспекты ягыннан Л42 ябык парковкасы), дип хәбәр ителә «Вконтакте» социаль челтәрендәге «Экологично» төркемендә.

Шулай ук укыгыз

Барлык яңалыклар