Бүген Миллениум күпере астында икенче чимал кабул итү мобиль пункты эшләячәк

Эшкәртүгә ПЭТ-шешәләр, фломастер һәм маркерлар, фольга һәм башка предметлар тапшырырга мөмкин

Бүген Миллениум күпере астында икенче чимал кабул итүнең мобиль пункты эшләячәк.

Биредә йомшак пластик, ПЭТ-шешәләр, фломастерлар һәм маркерлар, фольга, вак көнкүреш техникасы һәм электроника, консерв банкалары, капкачлар һәм башка предметлар тапшырырга мөмкин. Тулы исемлек белән түбәндәге сылтама буенча танышырга мөмкин.

Аяк киемнәре, су өчен фильтрлар, видео- һәм аудиокассетлар, уенчыклар, батарейкалар, лампалар, градусниклар, дарулар кабул ителми.

Фримаркет зонасында кием-салым, китап һәм журналлар, открыткалар, канцелярия товарлары, эш техникасы, савыт-саба һәм кухня кирәк-яраклары, статуэткалар, балалар уенчыклары, фоторамкалар, бизәнү әйберләре, вазалар, чәчәкле чүлмәкләр, азык-төлек продуктларын калдырырга мөмкин.

Икенчел чимал кабул итү «УРАМ» экстрим-паркы янындагы парковкада 10:00 нан 12:00 гә кадәр узачак. Шлагбаумны волонтер ачачак.

Шулай ук укыгыз

Барлык яңалыклар