Татарстанда КФҮ килүчеләрне алдан язылу буенча кабул итүне дәвам итәчәк

Халыкны кабул итү кирәкле хезмәт алу өчен документларны электрон рәвештә тапшыру мөмкинлеге каралмаган очракларда гына алып барыла.

(Казан шәһәре KZN.RU, 12-нче май). Татарстанда күп функцияле үзәкләр офислары эшенең махсус форматы сакланып калачак, ул 13-нче апрельдә республикада коронавирус инфекциясе таралуны булдырмау максатыннан билгеләнгән. Халыкны шәхсән кабул итү кирәкле хезмәт алу өчен документларны электрон рәвештә тапшыру мөмкинлеге каралмаган очракларда гына алып барыла.

Уабул итүләр үзәкләр офисларында +7(843)222-06-20 телефоны аша алдан язылу буенча яисә ТР дәүләт хезмәтләре порталында гына алып барыла.

Бүгенге көндә татарстанлылар өйдән чыкмыйча гына, ТР дәүләт хезмәтләренең бердәм порталы аша 272 дәүләт һәм муниципаль хезмәтләрен ала ала, дип искә төшерә ТР Саннар министрлыгы матбугат хезмәте.

Исегезгә төшерәбез, 12-нче апрельдән Татарстанда ТР Хөкүмәте тарафыннан имзаланган карар нигезендә смс-пропусклар системасын гамәлдән чыгардылар һәм эштән өйдән чыгуны рөхсәт итә торган белешмә алу да кирәк булмаячак. Күп кенә предприятиеләр, азык-төлек булмаган товарлар белән сәүдә итүче кибетләр һәм кече һәм урта бизнес оешмалары үз эшләрен яңартты. Республиканың барлык халкына элеккечә санитар-эпидемиологик таләпләрне үтәргә кирәк.

Шулай ук укыгыз

Барлык яңалыклар